حركات البنات اثناء الامتحنات؟؟؟؟خش وشوف هههههه

دي حركات بعض البنات اثناء المذاكرة ..

وبدون زعل ..

1- الثلاث وجبات الرئيسية لازم تقعد عليها أول وحده وماتقوم الا آخر وحده ..جعانة المسكينة ياحراااام ،، واحيانا تزيد

وجبات اضافية اذا كانت المادة دسمة ..

2- تقعد تعمل نفسها زهقانة وتعبانه وياااااارب مش قادرة اذاكر مش عارفة ما لى. ..

حاسة بكتمة يامامى..الظاهر حد قاري علي والا ضربنىعين ..و تقعد امها تقول باسم الله عليك.. تعالي اقرا عليك

يا بنتى....

كل دةعشان لو سقطت يقولوا عين..>>> طبعا مش الكل >>> فقط للكسالى

3- بعضهن ينزل عليها وسواس نظافة ايام الامتحانات تستحمى الصبح والليل تستشور .,


فى نوع من البنات تسيب الكتاب كدة فجاءة وتقوم تقيس اللبس الى فى الدولاب كلة عشان تعرف اذا كانت تخنت ولا لاء وفى نوع تانى تسيب الكتاب على جنب وتقوم تقيس فساتين السهرات اللي عندها عشان بعد..الامتحانات على طول فيه فرح بنت خالتها .وسبحان اللة تلاقى البنات كلها ايام الامتحانات تنزل مخصوص عشان تجيب لبس جديد ولما تسالها لية تقولك: امال اروح الامتحان بلبس قديم ..ازاى؟؟ طب وهو انتى فى اية ولا فى اية!!!


5- نوع اخر من الفتيات تنزل عليها صلة الرحم فجأه تقوم تكلم وحده من اصحباتها القدام من زمان ماكلمتهاش ..والغرض من المكالمة طبعا هو انها تعرف صحبتها دية وصلت لحد فين فى المذاكرة وطبعا لو البنت اتسالت على المذاكرة عارفين كلنا الرد: دة انا لسة فاتحة الكتاب حالا..ومش فاهمة حاجة...والفصل التالت بقى مش حذاكرة عشان مفيش وقت.. ولسة ما راجعتش وتلاقيها مراجعة المنهج 70 مرة..والاتنين الى بيتكلموا لازم ومؤكد انهم حيجيبوا سيرة بنت تالتة: عارفة البت نجلاء كلمتنى وخلصت المنهج وبتراجع للمرة العشرين..ترد عليها: دة البت دية طول عمرها موووس ..انتى مش بتشوفيها على طول قاعدة فى البنش الاول ونازلة كتابة ورا الدكاترة..يا ساتر ..البت دية مبطقهاش.. ..المهم بعد ما الاتنين يخلصوا النميمة تقوم واحدة تتصل بنجلاء دية الى قعدوا يقطعوا فى فروتها وتقول لها: اذيك يا نوجة.. اسالك بس على حاجة..... وبعد ما تاخد المصلحة بتاعتها منها ..تفقع الاسفين وتقول لها: ما تقوليش لفلانة تانى مرة على حاجة ..دية اتصلت بيا وقعدت تقول عليكى كذ وكذا..


ونوع اخر تنزل عليها الشطارة فجأة تقوم تعمل العشا لاهلها..وتغسل المواعين بدل ما متهاوتقولها اطلعي نامي انتي خلاص انا حكمل



وفى بقى بنات تلاقيها ماسكة الموبييل وعاملة ترن على خلق ربنا كلهم وتبعت لهم فى مسجات..متفهمش لية حالة نفسية وخلاص..
والحالة الغريبة بقى ودية بجد ان فى بنات وهى بتذاكر بتقطع فى شعرها وبتعمل كدة من غير ما تحس ...يعنى على ما تخلص الامتحانات حتلاقى نفسها ان شاء اللة قرعة...ههههههه

وفى بنات مزاج عندها تقوم كل 10 دقايق من على المذاكرة وتلاقيها بتفرك.....وتلاقيها رايحة جاية تفتح التلاجة وتقلب فى المطبخ زى ما يكون ما شفتش اكل قبل كدة وبعد ما تخلص



الامتحانات تلاقى نفسها زايده 10 كيلو. وتقول لية هو انا كنت باكل دة انا نفسى كانت مصدودة خالص

ههههههههههههههههههه


والطرق الى بتذاكر بيها البنات عجيبة ...يعنى ممكن تلاقيها قاعدة جوة الدولاب او تحت الطربيزة ومش بعيد تلاقيها مرة قاعدة على سور البلكونة...واما تسالها بتعملى لية كدة تقول: مبعرفش اركز الا كدة.. وفى نوع اخر من البنات ميقعدوش على المذاكرة الا بعد ما تحط ميك اب كامل وتسرح شعرها ..وتقعد بقى تذاكر..فى المراية مش الكتاب..هههه

بس فى الاخر هما الى بيتفوقوا وكل الى بيعملوة دة عشان بس الحسد والقر.......