شارك برأيك: استشهاد مروة الشربينى في ألمانيا بسبب ارتدائها الحجاب

لقيت السيدة المصرية مروة الشربينى (32 عاما) مصرعها بعد تعرضها لاعتداء من مواطن ألماني انهال عليها طعنا بسكين داخل إحدى المحاكم الالمانية بمدينة دريسين.

وجاء الاعتداء على مروة من متطرف الماني بسبب ارتداءها الحجاب حيث كانت تحضر وقائع جلسة محاكمة استئناف رفعها القاتل عليها بعد ان غرمته محكمة سابقة 800 يورو لاعتدائه على مروة من قبل ومحاولته نزع حجابها.

كما اصيب في الاعتداء زوجها المصرى علوي علي عكاز المعيد بمعهد الهندسة الوراثية بجامعة المنوفية بعدة طعنات بالاضافة إلى اصابته بأحد الأعيرة النارية بطريق الخطأ.

وتتابع وسائل الاعلام العربية والعالمية الحادث بشكل مكثف وسط اتهامات للمسئولين المصريين بعد اتخاذ الاجراءات الضرورية للحفاظ على حقوق الشهيدة مروة وزوجها ومعاقبة القاتل.

فكيف تلقيت انت نبأ استشهاد مروة واصابة زوجها؟ وهل ترى ان الحادث يعكس تيارا عاما في الدول الاوربية يرفض الحجاب، ام هو تصرف فردي من رجل متطرف كاره للمسلمين والعرب؟

وهل تتوقع ان تقف الحكومة المصرية موقفا قويا للدفاع عن حقوق الاسرة المصرية ومنع تكرار مثل هذا الاعتداء؟

شارك برأيك الآن من خلال التعليق على هذا الموضوع.

طبعا لانهم بيعتبروا الحجاب والمسلميناساسا ارهابيين وهما الساده واحنا العبيد وحق الست دى ودمها فى رقابينا كلنا وحكومتنا حكومه وسخه لمو اخذه يعنى بناخد على افانا وهيه تهولناعلى افانا

والله ياحوس دا شئ متوقع انه يحصل وهايعدى بالساهل زى ما كل حاجه فى بلدنا دى بتعدى هايفضل العدوان على الاسلام والمسلمين مستمر وهايتزايد وبعدين يابنى انت كنت متوقع ايه من المانيا بلد النازى العنصرى بلد هتلر متوقع منها ايه غير كده بجد اللى بيحصل للاسلام اولمسلمين دى حاجه تحرق الدم فين العرب وفين الحكومه اللى المفروض يعنى انها موجوده اصلا علشان تدافع عننا مش علشان تسرق حقنا وتبيعنا للاجانب وبعدين ازاى كان المصرى رخيص جوا بلده عايز ازاى يبقى غالى برا عايزه ازاى يكون ليه قيمه ادام العالم الخارجى وهو اصلا حكومته مضيعه قيمته فى بلده وفى ارضه واللى حصل دا شئ متوقع منتظر من الغرب يعملو فينا ايه بعد ما سكتنا عن الاهانات اللى اهانوها لسيدنا ونبينا محمد (صلى الله عليه وسلم)وبعد الصور المشينه اللى رسمها ليه الرسام الدينماركى دا غير الاهانات اللى بيهنوها للاسلام المسلمين فى انحاء العالم يابنى الدين المفروض ندافع عنه زى العرض والارض ويمكن اكتر ندافع عنه بروحنا وكل شئ نملكه انما لما نسكت على الاهانات دى طبيعى جدا انهم يتمادو فى الغلط والاهانه والاساءه لينا وللاسلام ولرسولنا العظيم وللحجاب اللى امرنا بيه ربنا الجانى اللى قتل الشهيده مروه دا فى غفله ميعرفش ان الانسانه دى انضف واحسن من كل الالمان اللى فى بلده بس هانعمل ايه مفيش حاجه فى ايدينا نقدر نعملها غير الرحمه لدكتوره مروه ونسأل الله ان يسكنها فسيح جناته ومفيش حاجه نقدر نقولها غير حسبنا الله ونعم الوكيل