سوال فى الحب مهم جداً.......... أرجو الإجابة ؟

السؤال ده بيحصل كل يوم فى كل بيت وكل مكان... بسم الله الرحمن الرحيم
سؤال الافلام جاوبت عليه بطريقتها...لكن لو جالك السؤال ده فى الواقع...يا ترى هتعملى ايه.

لو لقيتى الانسان اللى بتحلمى بيه وتتمنيه من وانتى صغيرة
الانسان اللى يحرك احاسيسك ومشاعرك وكل شى جميل جواكى
الانسان اللى تشوفى فيه طفولتك وشبابك ومستقبلك وكل ايامك
الانسان اللى يحبك انتى بس ويحترمك ويقدر مشاعرك وكل زرة حب جواكى

ويكون الانسان ده كمان هو فى نفس الوقت..انتى بالنسبة له كل حاجة..وانك الانسانة اللى حلم بيها واتمناها من طفولته
وقال ليكى من قلبه ومن صدق...انا بحبك...بحبك انتى بس ومش عايز من الدنيا اى حاجة الا انتى بس
انتى دنيتى اللى هعيش فيها..وليها..حبيبتى انا ليكى...ومش عايز اكتر من انك تقولى من قلبك انك ليا

واتعاهدتم طبعا على الحب فى الحياة وما بعد الحياة...وان مش هيفرقكم شى فى يوم الا الموت
وبعد كده جه الانسان ده عشان يتقدم ليكى عشان تكتمل الفرحة..والحياة اللى مش هتبقى حياة الا وانتم الاتنين مع بعض
ولانه ما يقدر يعيش لحظة واحدة وانتى مش معاه ....
لكن.....
الاهل رفضوه لاسباب تافهة...مثلا (الانسان احنا مش شايفينه لايق ليكى...دة مش من مستوانا...بكرة يجيلك احسن منه...دة قدامه كتير عشان يوصل للمستوى اللى نتمناه فى عريسك احنا غرضنا مصلحتك)

وطبعا الانسان دة لانه بيحبك اتقدم اكتر من مرة...وجه على كرامته فى حجات كتير عشان خاطرك
لكن للاسف...كل محاولاته فشلت...الاهل مصممين على رايهم..اعتقادا منهم انه فى مصلحة البنت

لغاية ما قال ليكى فى يوم...حبيبتى...انا اتمنيتك انتى من الدنيا كلها...
وضحيت بحجات كتيرة وده لانى حبيتك انتى بس ومن قلبى .....واختارتك انتى عن الدنيا كلها
ودلوقتى جه وقت اختيارك...اما انا......او اهلك!!!

مش هقول ايه هو الرد الصحيح
بس هقول ايه هى الاجابة المنطقية يا ترى

يا ترى اى بنت فى الموقف دى هتقول ايه؟؟؟
ويا ترى راى الشباب فى الموضوع ده ايه برضه

مع تحيات
MR.Capo

البنت لازم تسمع كلام اهلها مش ينفع تعصاهم دا كلام ربنا ودا اللى ربنا امرنا بيه طاعه اولى الامر وبعدين لو البنت مش سمعت كلام اهلها اكيد هاتيجى فى يوم من الايام مش تسمع كلام الشخص اللى باعت اهلها عشانه لان اللى ملوش خير فى اهله ملوش خير فى حد وكمان الاهل بيكونو شايفين الموضوع من وجهه نظر مختلفه عن اى اتنين بيحبو بعض ودا بحكم السن والخبره والنضج وحاجات تانيه كتير وطبعا بيكون هدفهم الاول والاخير هو مصلحه بنتهم

ميرسي علي مرورك يابوسي
وفي الاول عايز اقول حاجه
قال رسول الله (ص):اذا جاءكم من ترضون دينه فزوجوه
وكمان صراحه انا من راي ان البنت تسمع كلام اهلها حتي لو مش هاتتجوز حد بعده الشخص ده وكمان هايكون موقف صعب جدا بالنسبالها بس اكيد هاييجي اليوم ال هاتبيعه فيه زي ماباعت اهلها عشانه
وكمان ده نصيب ومكتوب
يعني بكل الطرق مش في اي حل غير ان البنت تسمع كلام اهلها
بس ممكن اذا كان الاتنين متمسكين بحبهم ان ال يقدروا يعملوه هو ان بالسياسه والاقناع كل شيئ يتحل حتي لو حاولو لحد اخر نفس في عمرهم وبتوفيق ربنا